منتدى الفرح المسيحى - ولسة السؤال Can we live simple enough

https://upload.chjoy.com/uploads/158866868029531.jpg

في فيلم The Two Popes في نقاش حصل بين البابا "بينديكت" ورئيس الأساقفة "بيرجوليو" عن أسلوب الحياة البسيطة...
البابا "بينديكت" كان بيلومه أنه مش بيعيش عيشة تليق بمركزه الكنسي...وإن طريقة لبس بيرجوليو "البسيطة
" وجزمته المقطعة هي نوع من إنتقاد لكل الكنيسة.
"بيرجوليو" رد عليه : ?Can we live simple enough
يعني مهما نتخلى عن رفاهيات بس بردو
هل نقدر نعيش ببساطة كفاية؟
فالسؤال دة ييجي في بالك دلوقتي...
ظرف طاريء خلاك سبت الشغل، سبت القهوة،
حتى الكنيسة والجامع اتقفلوا، بطلت تخرج تتمشى حتى كأبسط حقوقك...بطلت أكل دليفري..بطلت سفر..
.سبت كل أساسيات حياتك اللي كنت فاكر انك متقدرش تعيش من غيرها...وعشت محصلش حاجة!!!
قهوة البيت طلعت بتأدي غرض القهوة في سيلانترو وكوستا عادي!
والبيجامة طلعت أريح من لبس البراندات اللي بقت مرمية في الدولاب!
المفروض العالم يطلع من الأزمة دي مغير مفاهيم عن حاجات كتير جدا.
ولسة السؤال:
Can we live simple enough?