منتدى الفرح المسيحى

https://upload.chjoy.com/uploads/158861963426421.jpg
https://upload.chjoy.com/uploads/158861977217531.jpg

شهادتك تحدد مستقبلك ، صحيح جدا ، بس خد بالك ..

شهادة الجامعة بتحطك في الشغل اللي يحدد مصيرك العملي و العلمي .. امي ، دبلوم ، ليسانس و بكالوريوس، ماجستير
، دكتوراه و ما بعد الدكتوراه ..

شهادات البنك المالية بتحدد مكانتك الاقتصادية
، و علي حسب عدد الاصفار اللي فيها ، نقول عليك معدم
، علي قدك ،مستور ،
غني ، مليونير او ملياردير ..

بس للاسف ، لغاية كدة الشهادات دي توصلك بس لآخر سطر
في صفحة الحياة ..

لكن فيه النوع الأهم من الشهادات
، اسمهاشهادة أعمالك عنك اللي عملتها مع الناس ،
يوم تقف أمام عرش الله ، و يفتح سجل تاريخك ..

دي الشهادات اللي شغالة و فعالة لغاية السما ..

ممكن ما عندكش شهادات علمية و لا مالية ،
لكن عندك الأغلي و الابقي :
اللي أعمالك مع الناس تشهد بيه عنك لما تقف أمام الله
و تقول رايها فيك و في أخلاقك و في اقوالك و أعمالك..

و السؤال : عندك كام شهادة حقيقية ؟؟