منتدى الفرح المسيحى - تلذذ بالرب فيعطيك سؤال قلبك

https://upload.chjoy.com/uploads/158831378674581.jpg

في الدنيا غالبا أي حاجة هتستمع بيها هيبقى يا إما ليها مقابل سواء كان فلوس أو مجهود أو وقت .. أو هيكون فيه أثر سلبي ليها عليك
.. مستحيل يكون فيه حاجة هتستمع بيها
و كمان تحققلك مكاسب كبيرة بدون مقابل
أو تحققلك أحلامك بدون مقابل ..

ربنا بس هو الوحيد اللي يقدر يحقق المعادلة الصعبة دي .
. و هو وعد بكدة ووعوده دايما أمينة ..
وعد إنك تتمتع بيه و تحس بجمال العشرة معاه ..
و نتيجة ده إنه هيحقق لك كل اللي بتتمناه من قلبك ..
اللي هيكون وقتها أكيد مليان بيه و أكيد هتكون كل طلباته
في طريق ربنا و بالتالي هيفرح ربنا إنه يحقق كل طلبات قلبك

" تلذذ بالرب فيعطيك سؤال قلبك " ( مز 37 : 4 )