منتدى الفرح المسيحى - قصيدة حوار مع يسوع للشاعر أيمن نادى اسحق

قصيدة حوار مع يسوع للشاعر أيمن نادى اسحق

يسوع : مش عايزك تبعد فى يوم وتنسى انى فديتك
ده انا اللى واخليت نفسى وعليتك
وبموتى أحييتك

الإنسان : مش ممكن أنسى معروفك
ده انت اللى ناقشنى على كفوفك
ووعدك ليا : هشجعك وقت خوفك

يسوع : طول الليل سهران عليك بحرسك وبحميك
وفى يوم الشر بنجيك

الإنسان : مش ممكن أنسى انك نجيتنى من الموت فى يوم
وانى من غيرك كنت هعيش حياتى شايل هموم
واقضى أيامى من السلام محروم

يسوع : إبعد عن الخطية لأنها بتإلمنى
وسلملى حياتك واخدمنى
وإفتكر انى بكرم اللى يكرمنى

الإنسان : الخطيه هبطلها لأنها بتألمنى
بتبعدنى عنك فى الوقت الى بحتاج فيه انك تكلمنى

يسوع : اوعى تندم على اللى ضاع من ايديك
وتحزن وتتألم وتستسلم لماضيك
والفكر الشرير يسود عليك

الإنسان : إى كلام عن الماضى مش هيدخل فكرى ومش هيتقال فى كلامى وطل أيامى
بصليبك هيكون فخرى بأسمك هرفع أعلامى

بقلم الشاعر أيمن نادى اسحق