منتدى الفرح المسيحى - كنيستي الجميلة

https://upload.chjoy.com/uploads/158771358656471.jpg

بنلاقي دايماً في الكنائس التقليدية ( سواء أرثوذكسية أو كاثوليكية ) الصليب بيبقى موجود عليه المسيح
على عكس الكنائس البروتستانتية بنلاقي الصليب فارغ
بدون المسيح و ممكن يكتفوا بوضع وشاح أحمر أو أبيض
أو مايحطوش بتختلف من كنيسة للتانية
و وجهة نظر البروتستانتية في النقطة دي
أن خلاص المسيح قام ماينفعش نحط المسيح على الصليب ده حدث ماضي و أنتهى لكن 👇🏻

الكنائس التقليدية بتنظر لكل الأحداث الخلاصية
و منهم الصليب على أنها أحداث فوق الزمن مفيهاش ماضي و حاضر و مستقبل ✋🏻
الكنائس التقليدية في ليتورجياتها بتدخلك في الحدث نفسه عشان كده بيبقى المسيح موجود على الصليب في كنايسها 😍
يعني تعالوا نشوف مثلا خميس العهد و الجمعة العظيمة و القيامة احنا مش بنُقيم فيهم ذكرى انتهت لأ ... انت بتشارك في الحدث اللي حصل و بيحصل و لسه هايحصل 👌🏻
فالمسيح بيغسل رجلينا يوم الخميس و بيُقيم الأفخارستيا
و في الجمعة العظيمة كل ساعة هتلاقوا أن الكنيسة بتمشينا مع المسيح رحلة الصليب بكل مراحله
بنبقى معاه في الحدث ده اللي حصل و بيحصل و هايحصل 👍🏻
و في أحد القيامة بنقول في لحن يا كل الصفوف
(اليوم) قد كَمُلت النبوات
مش من ٢٠٠٠ سنة كَمُلت النبوات لأ ده النهاردة لأن احنا موجودين في الحدث نفسه مش بنُقيم ذكراه 👌🏻
كنيستي_الجميلة ♥️