منتدى الفرح المسيحى - قصيدة متحاوليش للشاعر ايمن نادى اسحق

قصيدة متحاوليش للشاعر ايمن نادى

قصيدة متحاوليش عن موقف يوسف الصديق
عندما هرب من الشر

(متحاوليش)
مــهـما حـاولـتى مــش هـعـمل الــخــطــيــه
ومـهـما ضـعــفتى مــش هــتــصـعـبــى عليا
فمتحاوليش
متحلـــميش

ورغم اللى قولتيه مش هـاديكى عواطـــفى
والتــوب خــــديــه بس مش هتاخدى عطفى
فمتضعفيش
متحـــاوليش

متحاوليش توقعينى فى الشر
متفتكــــريش انــــى عبد أنا حر
وطــــول الـعمر
لإلهى بـعـيــش

ومش مهم تطردينى أو متطردينيش
تظلـــميــنى أو مـــتظـــلمــينــــيش
المهم متستعبيدينيش

وزوجــك مـــش هخــونه مش هبيعه
دا انـا طــــــول عــمـــــــرى بــطــيعه
فمـاتبصيش فى عينى
مــتــحاولــيش تغرينى
علشان متندميش
ومتتوهــــــمــيش

متتمنينيـــش فـــى أحضانك
ولــــو ده رهــــــانـــــــــــــك
يــبـقـــى احساســك خــانك
لو اتمنيتــى متــراهنيش
لو حــبـيتى مـتخسريش

ولــيـــه فكرتى فيا . علشان جمالى
ده مـــش لــيا .ده لإلــــهى الـــغالى
بــس مسامــحك علـشان متعرفنيش
أصــل انا شــهـوات العالم متلزمنيش

ودلــــوقتى ههرب من سكتك
قبــل مــا أكـــون ضـــحـــيـتك
ومستــعد اتـــحـمل قـــسوتك
وهبــعد ومتندهيش
متــحـــــاولـــيـــش

تأليف الشاعر : أيمن نادى اسحق