زوّادة اليوم: ما تقتلوا الطفل اللي جواتكون

بيقول القدّيس اغسطينوس : بينما يتصارع اللاهوتيون في خلافاتهم ، يتسلّل البسطاء إلى الملكوت ببساطتهم..
يمكن في ناس تفهم هالجملة بطريقة غلط، اكيد مار اغسطينوس ما كان قصدو انّو اذا تقدّمنا باللاهوت ما منفوت عالسما! بس بالزمن الّلي كتب فيه هالجملة بيشبه كتير الّلي عم نعيشو اليوم! هوّي بدّو يقلنا انّو كل ما تعلمتو اكتر وعرفتو اكتر ما تتكبّرو وحافظو عالبساطة الّلي بقلوبكن وقصدو ينبّهنا انّو بس الواحد يتكبّر ويشوف حالو بمعلوماتو رح يكون عم يهلك نفسو بدل ما يخلّصها!
قد ما كترو معلوماتكن وقد ما وصلتو لبعيد ما تقتلو الطفل الّلي جوّاتكن حبّو كل الناس هيك اكيد بتكونو عالدرب الّلي بيوصل عالملكوت...
والله معكن.