يا رب ...

يا رب وينك مش عم تسمع
نهداتنا وصرخاتنا من عين عم تدمع
ما إلك بالعادة عن وجوهنا تميل
و جروحنا وآلامنا ما تقشع

يا رب إنت العارف بكل الأمور
غربال كان لازملنا من دهور
بس صاحب القلب المطعون بحربة
مش ممكن بيوم يترك شعبو مقهور
نناديك... نتوسّل ... وانت ما تسمع

يا رب يا رافع أعتاب هالدني
قدام آلامك جباهنا بتنحني
إنت ما فرّقت بين الفقير والغني
يا رب نحنا لرحمتك منلتجي
وقدام هيكلك اللي مسكّر وزعلان
ركابنا ع البحص والحجار بتركع