منتدى الفرح المسيحى - انا هاخاف ليه

انا هاخاف ليه من كل الظروف حواليّ والرب يسوع بيده ماسكني في مراعي الحب قايدني يرد نفسي يهديني من اجل اسمه القدوس هللويا
وانا هاخاف ليه والرب يسوع في نن عينيه حاططني وعلى منكبيه شايلني وعلى كفيه ناقشني هللويا
وانا هاخاف ليه والرب يسوع مسيج حواليّ مادام انا متعلق بيه وبسوره الناري محوطني وهو عمانوئيل الله معي هللويا
وانا هاخاف ليه والرب يسوع مسكني تحت ستره العلي وكل يوم مبيتني تحت ظله القدير وحافظني من كل خطر وشر هللويا
وانا هاخاف ليه والرب يسوع بيحبني محبة ازلية ابدية وما يهونش عليه مرض او خطر يمسني ومن يمسني بيمس حدقة عينيه لانني حتة من لحمه وعظمة من عظامه هللويا