زوّادة اليوم: مستحيل ألّا تكون مؤثّرا

بيقول القدّيس يوحنّا ذهبى الفم: لا تقل أنّك لا تستطيع أن تؤثّر فى الآخرين ، فإنّك مادمت مسيحيّا حقّاً يستحيل ألا تكون مؤثّراً.
انا اليوم كمسيحي شو دوري بكل اللي عم يصير؟ انا اليوم مراية رجا! ما رح اقعد لوم الحظ و القدر و ما بعرف شو. في واقع معيّن مفروض علينا مضطرّين نتعايش معو و الأهم نآمن من كل قلبنا اننا رح نتخطّاه! هيدا الرجا المسيحي، ما تستسلم قدّام الصعوبات و التجارب! سلّم حياتك للرب، قلّو لتكن مشيئتك و ما تخاف! يسوع عمل كل شي مستحيل للعقل البشري حقيقي، يسوع شفي امراض مستعصية، يسوع مشي عالمي، يسوع حوّل المَي لخمر، يسوع قوّم لعازر من الموت! من كان الله معه فمن عليه! يا رب كون معنا و مع وطننا و مع طواقمنا الطبيّة بهالوقت الصعب!...الله معكن