زوّادة اليوم: منشكرك يا رب على عطاياك

بتتذكّرو كيف كانت حياتكن قبل ما يصير في كورونا بلبنان؟ بتتذكّرو كيف كنتو تنزعجوا من عجقة السير؟ من التعب بالشغل؟ من الوعية بكّير حتّى تروحو عالمدرسة او الجامعة؟...
بيقولو الواحد ما بيعرف قيمة الشغلة الّا ما يفقدها!
اليوم عم يعاني العالم من مرض الكورونا و بتحكي الإحصاءات عن 237175 اصابة و 9835 وفاة!
منصلّيلك اليوم يا رب نحنا و طمعانين برحمتك اللي عارفين انّو ما منستاهلها، منطلب منك تعطينا نعمة الصحّة! سامحنا انّو ما كنّا عارفين قيمتها، سامحنا انّو ما كنا عم نشكرك عا عاطاياك و مشغولين بحياتنا و ناسيينك...منصلّيلك يا ربّ عا نيّة كل مريض و كل موجوع يا بَينا السماوي...الله معكن