منتدى الفرح المسيحى

https://upload.chjoy.com/uploads/158474800485271.jpg

متزعلش منى عن ضعف وجهل انا اخطيت
متزعلش منى لما اخدت نصيبى وسبت البيت
متزعلش لما سبتك تنادى عليا وجريت ولا سمعت
متزعلش لما جيت تخبط على باب قلبى ولا اهتميت
متزعلش يابا انت القلب الكبير اللى لما تعبت ليه رجعت
عرفت من العذاب والجوع قيمتى عندك فأتندمت
رجعت ادور عليك لقيتك مستنينى عند البيت
قلبك كان عارف انك زرعت الحب فى ابنك فأستنيت
فرجعت بحبى ليك وفى حضنك اترميت وبكيت
قبلتنى وفرحتنى بوليمه وخاتم وبفرحه مليت البيت
سامحنى ومتزعلش منى