زوّادة اليوم: #خليكن_بالبيت_كرمالن_و_كرمالكن

حيطان، سقف، فرش، بواب، شبابيك...هودي كلّن مش بيت! البيت هوّي المطرح اللي كل النهار بالشغل منحلم نرجع عليه نرتاح و نلاقي السلام! البيت هوّي مطرح بتربطنا فيه عواطف و ذكريات. البيت هوّي مطرح اللي منحبّن ناطرينا فيه ،ستنا، جدنا، امنا، بينا، خينا، اختنا، زوج، زوجة، ولاد...
بدون حدا منّن البيت بيبطّل بيت! مستعدّين تخسرو حدا بتحبّوه بس لأنكن ما انتبهتو كفاية او لأنكن استلشقتو، او لأنّو ما كان لازم تضهرو و ضهرتو!؟
انتو يمكن شباب و صبايا جسمكن قادر يدافع بس فكرو بغيركن اللي مناعتن ما بتساعدن.
#خليكن_بالبيت_كرمالن_و_كرمالكن و الله يكون معن و معكن