زوّادة اليوم: عيد المعلّم
اليوم بعيد المعلّم ما فينا ما نتذكّر قدّيسين كتار كانو معلمين! اذا مناخد مثل بلبنان، القدّيسة رفقا و القدّيس نعمة الله الحرديني كانو بمجال التعليم كل واحد عا طريقتو و بالمطرح اللي انْوَجَد فيه. معروف عن رفقا انّو ما كانت تصرخ ابدا و كانت تستعمل اسلوب الإقناع و تلاميذها يحبّوها كتير. و القدّيس الحرديني كان يعلّم بمدرسة دير كفيفان و كان مار شربل تلميذ عندو! معروف عَنّو تواضعو حتّى لمّا ترقّى و صار مدير كان يشتغل بتجليد الكتب! الزوّادة اليوم صلا لكِلّ معلّم تِعب و خرّج اجيال واعية، لكِلّ معلّم بيعلّم من قلبو مش من الكتاب حتّى ربنا يرافقن برسالتن و يعطيهن الصحّة! و التحيّة الأكبر بتبقى للمعلّم الأوّل يسوع المسيح...الله معكن