منتدى الفرح المسيحى - مش عاوز حاجه من العالم (القديس ابو مقار)

https://upload.chjoy.com/uploads/158348342600641.jpg

كنت بستغرب ليه ابو مقار في الصوره بتاعته رافع ايده الاتنين بالوضعية دي
لما دورت وسألت لاقيت حركه الايد دي معناها روحي عميق جدا انه بيقول
( لأ مش عاوز حاجه ) ودا لانه بيوصل رساله مهمه انك هتروح الابديه ايدك فاضيه
من غير اي كنوز ارضيه ودا اللي هو اتعرضله مرتين - -
في البدايه بعد موت زوجته وابوه ابتدي يوزع كل امواله علي المحتاجين وبعدها دخل البريه
-في يوم تاني جاله احد الولاه ومعاه فلوس كتير ودهب وحب يقدمله اموال وعطايا اخري؛
ابو مقار حاول يقوله انا مش عاوز حاجه بس الوالي أصر انه ابو مقار ياخد الدهب
-راح ابو مقار ضرب جرس الدير والرهبان كلهم اتجمعوا
وحط قدمهم كل الذهب والفلوس وقالهم ان الوالي دا محب للمسيح
وجايب العطايا دي ليكم خدوا اللي تحتاجوه
-اول راهب مشي بص علي الحاجه وبعدين رجع قلايته وراه التاني والتالت
لحد اخر راهب وساعتها بص القديس للوالي وقاله :
( انت بتقدم مال وذهب لناس ميته وغير موجودين في العالم ولا العالم موجود فيهم
,ارجع لطريقك وخد اموالك وعطاياك " مش عاوز حاجه ")
ساعتها الوالي طلب منه انه يوافق ويقبله كراهب ميت عن العالم
فعلشان كدا الصوره بتترسم انه فاتح ايده وبيقول
" مش عاوز حاجه من العالم "