زوّادة اليوم: ما تزعل خيّك كرمال شي

بيخبرو عن تنين اصحاب عم يحكو عن الأكل. قلّو الأوّل: انا ما بحب الباتنجان المحشي قاطع الرز فيهن بيصير لونو mauve بحسّن مجويّين. رد التاني و قلّو: غريب! انا بحب هالأكلة لأنّو الرِز لونو mauve بحب هاللون كتير... نفس السبب خلّى شخصين واحد يحب الشغلة و واحد ما يحبها بس هالشي ما خلّاهن يبَطلو اصحاب! و نحنا هيك كل واحد عندو رأي مختلف عن التاني بالنسبة لموضوع معيّن و هالإختلاف ما لازم يفرّقنا بالعكس لازم يكون في مساحة للحوار و التلاقي!...شو ما كان السبب و قد ما كان بنَظر الأرضيين مهم، منّو شي قدّام حقيقة انّو كلنا ولاد الله و متساويين قدّامو!...ما تزعّل خيّك كرمال شي، حبّ العالم متل ما بيحبّك الرب...الله معكن