منتدى الفرح المسيحى - ليه يارب الباب الضيق

https://upload.chjoy.com/uploads/158194860686691.jpg

كتير كنت بفكر ليه يارب (الباب الضيق 😢 ) هو شرط الحياة معاك !!!
بس كل يوم بقيت بكتشف ليه لازم يكون الباب الضيق..
اصل الباب الضيق ..عشان تعدي منه... لازم تسيب حاجات كتير مش هتعرف تعدي بيها...
مش هتعرف تعدي بذاتك العاليه... وكبريائك... وغرورك.
مش هتعرف تعدي وأنت معاك العجرفه بتاعتك والأناااا...
مش هتعرف تعدي وانت معاك مشاكلك ومش سايبها لأبوك السماوي .
مش هتعرف تعدي وحياتك مليانه ناس وشغل وفلوس وبعيد عن ربنا ..
مش هتعرف تعدي وانت معادي اخوك... ومزعل جيرانك.
مش هتعرف تعدي وانت مش امين....
مش هتعرف تعدي لو مبتغفرش وبتعذر اخوك.
مش هتعرف تعدي وانت علي طول شايل الهم ومهموم.
عشان تعدي لازم ترمي كل ده واكتر كمان...
عشان تعدي وغيرك يعدي معاك لازم تكون نور... صورته... شبهه... عايش حياته... مندوب ليه علي الأرض.
اوعي يا نفسي متعديش ولا تخلي اللي يشوفك يتعطل بسببك...
خليك نور.. نور... وطوق نجاة لغيرك عشان يعدي.