زوّادة اليوم: إذا ربنا قدّرك عا فعل الخير ما تقصّر

قرِينا عا مواقع التواصل اليوم خبر بيقول انّو في مغترب لبناني اجا عا ضيعتو و برم عالصيدليّة و الدكانين و اللحّام و سكّر ديون كل ولاد الضيعة و رجع سافر بدون ما حدا من الأهالي يعرف شو صار! الخبر ما انتشر لأنّو الزلمي ما خبّر حتّى يستعرض، هوّي بعد ما فلّ اصحاب المحلّات صارو يخبرو و انتشرت القصّة! الزوّادة اليوم بتقلنا اذا ربنا قدّرك عا فعل الخير ما تقصّر و ما تخبّر! منتذكّر الآية اللي بتقول: "وأما أنت فمتى صنعت صدقة فلا تعرف شمالك ما تفعل يمينك. لكي تكون صدقتك في الخفاء. فأبوك الذي يرى في الخفاء هو يجازيك علانية"...الله معكن