منتدى الفرح المسيحى - اوعى تكون مطيور

https://upload.chjoy.com/uploads/158187205958481.jpg

مطيور جاية من "طير " .. في المعني "الشعبي" ، خفيف ، مندفع، اللي بييجي علي باله يقوله او يعمله ، عنده "طقات"!!

المطيور يشوف اي حاجة تعجبه ، و اي حتة يروحها،
و اي حاجة يبقي ح يموت و يشتريها،
و يتمني اللي عند الناس كلها يكون عنده ..

و المطيور "زهوق " اول ما يوصل للي هو عاوزه يزهق
و يبقي عاوز يسيبه، يقرر و يرجع في قراره، يشتري و يبيع ،
يقرب و يبعد ..

المطيور كمان مش ثابت علي حاله، قلقان ،
ما عندوش تروي .. لا بيستشير ربنا و لا الناس
و يمكن و لا حتي عقله هو ..
الفكرة ما بتلحقش تعدي علي دماغه و تطلع قبل ما يلحق يمسكها ..

المطيور ده عاوز نعمة كبيرة انه يصلي كتير
و يستشير كتير و يسأل كتير ..

و ياما في الدنيا "مطيورين" تعبوا نفسهم قبل ما يتعبوا غيرهم !!