منتدى الفرح المسيحى - رسالة لكل قلب مجروح اتصدم

https://upload.chjoy.com/uploads/158180402337361.jpg

عارف

عارف لما تحب واحد قوي قوي و تديله كل اللي عندك ..
لما تصدقه اكتر من نفسك ، و ترمي عليه كل اللي حوشته في قلبك من مشاعر و صدق ..
لما تلاقي فيه اللي كنت بتدور عليه ، و تديه فيه كل معاني الصداقة و الأخوة و الحب ..
عارف ده معناه ايه ؟؟ أن فيه حتة من روحك خرجت منك و راحت له ..
و بعدين..
عارف لما يخلي بيك ، و فجأة تلاقي أن كل ده اتبخر..
عقلك يشت، و تحاول تعرف فيه ايه .. تلاقيه استكتر حتي يرد و يريحك..
و يغدر و الغدر مرار ، و يبعد و البعد دمار..
راحت الصداقة و راح الحب اللي كان ، و اداك بداله جفوة و صدمة تعيش فيك العمر ..
لكن برضه عارف ..
مش ح اسيب ده يحصل .. مش ح اسيب قلبي يتصدم بسببك في الدنيا ،
و لا ح ادفع من مشاعري و من عمري تمن بعدك و عندك و غدرك..
لسه فيه في الدنيا اللي يعوضني ..
و قبل الكل رب عالي و غالي حبه يكفي و يفيض و يزيد..

رسالة لكل قلب مجروح اتصدم ..
لسه فيه خير و خير كتير يعوضك و يفرحك..