زوّادة اليوم: آخر كلمات قالها القديس

القدّيس فالنتين هوّي كاهن شجاع كتير، كان يساعد الشباب و الصبايا المسيحيين بالمخفي و يكلّلن بوقت كانت مساعدة المسيحيين تعتبر جريمة بهيداك الزمن! حتّى انّو بس عرفو فيه امروا ينضرب و ينقطع راسو. بيقولو انّو واحد من اللي نفّذو فيه الحكم اسمو استيريوس كانت بنتو عميا فصلّى معها القدّيس فالنتين و شِفيت و بعدين رجع استيريوس صار مسيحي! بيقولو انّو لقيو بمذكّرات الصبيّة اللي شفيت آخر كلمات قالها القديس:
From your Valentine
هالعبارة اللي صارو كتار يعَبرو فيها عن حبّن اليوم!
الزوّادة اليوم بتقلنا انّو هالعيد مش بس للcouples، هالعيد مناسبة لتجديد الحب بين كل الناس! مثلا بيننا و بين كل اللي منحبّن امنا، بينا، اخواتنا، اصحابنا... و الأهم هالعيد دعوة للحب الحقيقي متل حب يسوع المسيح النا...الله معكن