منتدى الفرح المسيحى - انتي كده ازاي

https://upload.chjoy.com/uploads/158099234427891.jpg

انتي كده ازاي ؟؟

كل ده شايلاه علي كتافك؟؟

حمالة القسية كلها ..

شايلة البيت باللي فيه بزوجك بولادك علي ضهرك ، و لا بتشتكي و لا بتتعبي،
و لو تعبتي تستكتري علي نفسك الراحة العلاج ..
راضية بقليلك، و شاكرة اللي في ايدك ..

فاتحة لنا البيت بحسك، و لو غبتي لحظة كله يتلخبط..

بتعملي كل حاجة و اي حاجة ، ياتري ازاي ؟؟ صدق اللي قال عليكي ست ب ١٠٠ راجل ..

نفَسِك في اكلك له طعم تاني ما نسطعموش في أكبر مطعم ..
حتي الفلوس معاكي تزيد ما تقلش، من كتر تدبيرك و حكمتك..

بتداوي الولاد من اي مرض "بقبلة" ، و تحلي اكبر مشكلة "بفكرة"
، و تريحي اي معضلة بطيبة قلبك و كلامك الحلو..

و بعد ده كله يا ريت عاجب !! مستحملة النقد و عدم الشكر من الكل بابتسامتك الحلوة ،
يا ست الكل و ست الحبايب..

الف سلام للمرأة ، الجميلة الخلوقة الصابرة الراضية ..

ألف سلام للي الدنيا حلوة بيها ..

ألف سلام لأجمل الكائنات ، الأم و الزوجة و الأخت و الإبنة ..