منتدى الفرح المسيحى - لما تحس انك عايز تعيط عيط

https://upload.chjoy.com/uploads/158086270403981.jpg

💥💥لما تحس انك #عايزتعيط .. عيط ، مافيش حاجه اسمها انا قوى مش بعيط ،
مافيش حاجه اسمها انا بقدر استحمل واجي علي نفسي واتماسك .
. مافيش حاجه اسمها انا مش بحب اعيط عشان ده ضعف ..

💥💥لما تتوجع ، او تفقد حد او حاجه غاليه عليك ، لما حد يزعلك او يضايقك او يجرحك
، لما تخسر حاجه مهمه ، لما تحلم وتفشل في تحقيق حلمك ،
لما تتعب والدنيا تحط عليك ماتقاوحش وتعمل فيها السبع رجاله وتتماسك
وتقول انا قوي وهعدي من غير زعل ، ماتمثلش انك فرحان وانت بتموت من جواك ..

💥💥#الحزن_والوجع اللي مش بتعبر عنه وقت الموقف هيتخزن ويتكوم
، وحزن علي حزن علي تعب علي وجع هتقع وهتتحول لشخص هش
بيقع من ابسط حاجه والواقعه هتكون وحشه قووى ومُتعبه جدا وهتاخد منك
ومن روحك وهتقلب عليك القديم والجديد وهتاخد منك مجهود كبير قوى عشان تقوم منها ..

💥💥#ماتقاوحش_وماتكتمش الحزن .. فى كل موقف يوجعك عيط وصرخ
واعمل كل اللي يريحك .. خرج كل الوجع منك وفضي الحزن اللي جواك
اول باول وعيط لحد ما كل الدموع اللي عندك تخلص ..

💥💥#ماتقولش اصل دموعي غاليه ، عشان انت وحياتك ونفسيتك وعمرك اغلى منها✋