https://upload.chjoy.com/uploads/158062650607551.jpg

واذ لم يكن له اصل جف ( مت 6:13 )

خد بالك لو بتتعامل مع ربنا بسطحية
لو مالكش صله بيه لو مالكش عمق معاه
لو خدمتك انشطة ولعب وبعيد عن الجو الروحي
لو مااتعودتش علي وقفه المخدع
لو ماعندكش محبة لاخواتك
لو فاكر نفسك افضل منهم
لو بتتعصب وبتزعق وبتتامر وفاكر نفسك مدير عليهم
لو مش عارف تستر ودايما بتشوف اخطاء غيرك وممكن تفضحهم
لو عندك حقد لو فيه ادانه او نميمة
لو فاكر نفسك مصلح اجتماعي وشايف نفسك اذكي من غيرك
لو فيه تملق وانانيه
لو عندك شيخوخه مبكرة في الخدمة وماعندكش الدافع والحرارة انك تخدم
لو لسه بتحبط وبتياس من اقل كلمة
يبقي انت محتاج تعيد النظر في زرعتك
ليك اصل وعمق وصله بالغصن ولا انت شكلك الظاهري ابن ربنا وخادم وبتاع خدمة نارية
وانت بعيد كل البعد عن الغصن
عيد حساباتك وادخل للعمق
وخليك مرتبط بالاصل بدل ماتجف