منتدى الفرح المسيحى

https://upload.chjoy.com/uploads/158042465376591.jpg

الوقت اللي فات كنت بقرا في قصة يوسف الصديق بالكتاب المقدس ..
وفوجئت ان بعد ما خلصتها كلها ان ولا مرة مكتوب ان يوسف صلي .. ايه ده معقول ؟؟

يعني كل شوية يتكتب ان الرب كان معه .. والله كان ينجحه
ومفيش مرة بيصلي !!

قررت اعيد السيرش تاني وكل مرة تكون النتيجة حوالين "صلي يوسف" = 0

لحد ما فكرت ان الصلاة لها اوجه عديدة
مش شرط الشخص يقف ويقرر انه يصلي
والالم في حد ذاته صلاة .. ازاي ده ؟؟

الالم بيخليك غصب عنك تصرخ وترفع قلبك لربنا
وحتي لو قلبك مافهوش دموع عين قلبك بتكون انهار دموع ..
الم الظلم بتخليك من غير كلام ومن غير ما تحس تطلب الانصاف من الله .
. الم الفراق بتخليك تلقائيا تلتصق بالله المحب اللي مالكش غيره .
. الم السجن بتخليك تلقائيا تلتصق بالله الصديق اللي مفيش غيره معاك يآنس وحدتك .

الالم صلاة
حتي لو ماصلينهاش .. روح الله بيصلي جوانا بيها
بأنات لا ينطق بها

بس الاهم .. متخليش الالم يخليك تهرب لاي مخدر
تخدر بيه ألمك

واتاكد ان رجال الاعمال بيستثمروا باموالهم
لكن رجال الله بيسثمروا بالامهم .

الامك اللي مالكش اي ذنب فيها
لها ثمار حتي لو مش شايف ده .