منتدى الفرح المسيحى

https://upload.chjoy.com/uploads/158033100346761.jpg

رائع أن تخدم الناس وقت ما يطلبوا ، و الاروع أن تشعر بيهم و تسرع لخدمتهم قبل ما يطلبوا،
فتجنبهم مذلة السؤال و الاحتياج ..

رائع انك ما تتكلمش علي حد بالشر ، و الاروع انك تتكلم عليه بالخير مهما كانت أعماله،
و تلتمس له العذر ، فتعلم غيرك فضيلة احترام سيرة الغايبين..

رائع أن تكون موهوب ، و الاروع أنك تنسبها لربنا من قلبك بتواضع ،
و انك لما تلاقي حد مش موهوب ، تحس بيه و تخفي نفسك علشان ما تحرجوش..

رائع انك تشكر ربنا علي عطاياه فيزودهالك، و الاروع انك تشكره وسط وجعك
، فتقول لربنا انك بتحبه من غير اي مقابل ..

رائع انك تخدم الله بكلامك عنه ، و الاروع انك تخدمه من غير ولا كلمة
، بتواضع قلبك و امانتك و تصرفاتك و أخلاقك..

رائع انك تحب الناس ، و الاروع انك تحترمهم قوي و من قلبك مهما كان مركزك،
و تديهم كل اللي عندك ، و تحس بيهم و تحطهم في قلبك و عقلك و صلاتك ..

رائع انك ننجح، و الاروع انك لما تنجح تنسب كل نجاحك لله ،
و انك تحس ان نجاحك بسبب الناس اللي حبوك ووصلوك للي انت فيه،
فتعيش طول عمرك مديون لحبهم ليك.