منتدى الفرح المسيحى - ربنا لما بيوعد بيوفى

https://upload.chjoy.com/uploads/158024965223461.jpg

الاصحاح التامن من سفر يهوديت دا لُقطة 🙃
بني إسرائيل حاولوا يقاموا أليفانا بس ف لحظة ضعف إيمانهم
لما جفت الآبار ومفيش مية ..وأي حد مكانهم طبيعي يبقي له نفس الشعور
محدش هيتسحمل يقعد 20 يوم من غير مية 🤷🏻‍
قرروا أنهم يستسلموا وحددوا لربنا 5 أيام .. يارب يا تنقذنا خلال الفترة دي يا ماتلومش علينا 🤦🏼‍

هنا جه دور يهوديت أنها تفوّق شعبها ✋
بتوبيخ قالتلهم "مَنْ أَنْتُمْ حَتَّى تُجَرِّبُوا الرَّبَّ؟" (يهو 8: 11) 🌚
بدأت تفكرهم إن ربنا طبعا رحمته واسعه ومش ربنا اللي ممكن نقيده بعدد أيام 🧚🏻‍
مش بس كدا دي كمان بدأت تحفزهم ع أنهم يرجعوا يثبتوا ف ربنا
" لِنَفْتَخِرَ بِتَوَاضُعِنَا مِثْلَمَا اضْطَرَبَتْ قُلُوبُنَا بِتَكَبُّرِهِمْ." (يهو 8: 17) 🥰
يعني بمقدار خوفنا من الأعداء لازم نتمسك بربنا 🤗

وإن الحل الوحيد لخلاصهم موجود عنده وهما محتاجين يروحوله
"لِذلِكَ فَلْنُذَلِّلْ لَهُ أَنْفُسَنَا وَنَعْبُدْهُ بِرُوحٍ مُتَوَاضِعٍ،" (يهو 8: 16 ) 🙇
بدأت يهوديت تفكر شعبها وقوف ربنا مع آبائهم يمكن في مواقف اصعب من دي بكتير
"فَيَنْبَغِي لَهُمْ أَنْ يَذْكُرُوا كَيْفَ امْتُحِنَ أَبُونَا إِبْرَاهِيمُ،
وَبَعْدَ أَنْ جُرِّبَ بِشَدَائِدَ كَثِيرَةٍ صَارَ خَلِيلًا للهِ وَهكَذَا إِسْحَاقُ،
وَهكَذَا يَعْقُوبُ، وَهكَذَا مُوسَى، وَجَمِيعُ الَّذِينَ رَضِيَ اللهُ مِنْهُمْ،
جَازُوا فِي شَدَائِدَ كَثِيرَةٍ وَبَقُوا عَلَى أَمَانَتِهِمْ." (يهو 8: 23,22) ♥

احنا ف أوقات كتير جدا بنعمل زي بني إسرائيل ..
بنطلب من ربنا حاجات وبنحددله وقت .
.وبننسي انه "لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ:" (جا 3: 1)🤦🏼‍
محتاجين نصدق "إِنَّهُ لَيْسَ وَعِيدُ اللهِ كَوَعِيدِ الإِنْسَانِ وَلاَ هُوَ يَسْتَشِيطُ حَنَقًا كَابْنِ الْبَشَرِ." (يهو 8: 15)🥰
وأنه لما بيوعد بيوفي 👌

محتاجين نصبر ف الضيقات ونعتبرها وسيلة للوصول لربنا مش لإبعادنا عنه
"بَلْ لِنَحْسَبْ أَنَّ هذِهِ الْعُقُوبَاتِ هِيَ دُونَ خَطَايَانَا
وَنَعْتَقِدْ أَنَّ ضَرَبَاتِ الرَّبِّ الَّتِي نُؤَدَّبُ بِهَا كَالْعَبِيدِ إِنَّمَا هِيَ لِلإِصْلاَحِ لاَ لِلإِهْلاَكِ»." (يهو 8: 27) 🥰