منتدى الفرح المسيحى - خير اللهم اجعله خير

https://upload.chjoy.com/uploads/158023862060241.jpg

خير اللهم اجعله خير

جملة مصرية عبقرية بنقولها بعد حبة ضحك طول شوية "
خير اللهم اجعله خير" ..

المصري الذكي عرف بالفطرة أن اقرب وقت للنكد بعد الفرح الشديد ..

التفسير النفسي مش اكيد ،
لكن الأرجح أن احنا اللي بنعمل كده في نفسنا ، بدل ما يتعمل فينا من غيرنا !!

يعني بلغة تانية، انا اللي انكد علي نفسي
لانه مش طبيعي اني ابقي مبسوط علي طول ،

فانكد علي نفسي بدل ما اقعد استناه !!

طلع ان مفيش "إله للنكد" و لا حاجة !!
النكد احنا اللي بنكتبه و تخرجه و ننتجه و نمثله !!

الفرح احنا اللي بنعمله، و النكد احنا اللي بنعمله
، و بعدين نقول لنفسنا "ايه النكد ده " ؛
يعني بنألف الفيلم و نتفرج عليه و نقعد قدامه نعيط !!

عاوز تبعد عن النكد استدعي دايما الفرح و البهجة ، و افتكر ان النكد صناعتك المحلية !!

عاوز تبعد عن النكد ، قول "خير اللهم اجعله خير
" ؛ استدعي إله الخير ، و كله ح يبقي خير ، و كله ح يبقي للخير ..