منتدى الفرح المسيحى - ماتلومش ربنا ع حاجة انت المسئول عنها

https://upload.chjoy.com/uploads/158016512323211.jpg

ساعات كدا لما بنكون ف تجربة أو ضيقة بيضعف ايماننا
وتبدأ حروب الشيطان الفكرية اللي هي فين ربنا
ولو موجود يبقي مابيحبكش ماهو لو بيحبك مكانش سابك ف التجربة دي 🤦🏻‍♀️
تعالوا كدا الأول نعرف أنواع التجارب 🙃
ف رسالة يعقوب قسم التجارب لنوعين نوع من الله ونوع انت المسئول عنه ✋🏻
~النوع الاول اللي من ربنا دا بيبقي تجربة لاختبار الإيمان ويا بخت اللي ربنا فاكره بتجربة 🥰
التجربة دي ممكن تبقي ف صورة اضطهاد أو مرض
قصد ربنا بيها يشوف ايماننا واصل لحد فين وبالتأكيد ف النهاية تعويضه ملهوش حدود 🤗
"اِحْسِبُوهُ كُلَّ فَرَحٍ يَا إِخْوَتِي حِينَمَا تَقَعُونَ فِي تَجَارِبَ مُتَنَوِّعَةٍ،" (يع 1: 2)♥️

٤ حاجات ذكرهم يعقوب المفروض نتعلمهم م التجربة اللي من النوع دا
وهما الصبر والحكمة والتواضع والصلاة 🙃
"
عَالِمِينَ أَنَّ امْتِحَانَ إِيمَانِكُمْ يُنْشِئُ صَبْرًا." (يع 1: 3) 🥰
"وَإِنَّمَا إِنْ كَانَ أَحَدُكُمْ تُعْوِزُهُ حِكْمَةٌ، فَلْيَطْلُبْ مِنَ اللهِ الَّذِي يُعْطِي الْجَمِيعَ بِسَخَاءٍ وَلاَ يُعَيِّرُ، فَسَيُعْطَى لَهُ." (يع 1: 5)🤗
بس ماينفعش تطلب م ربنا وأنت م جواك مش مصدق أو حتي عندك شك
ولو بسيط لانك بالتأكيد كدا مش هتاخد حاجة "وَلكِنْ لِيَطْلُبْ بِإِيمَانٍ غَيْرَ مُرْتَابٍ الْبَتَّةَ،
لأَنَّ الْمُرْتَابَ يُشْبِهُ مَوْجًا مِنَ الْبَحْرِ تَخْبِطُهُ الرِّيحُ وَتَدْفَعُهُ
، فَلاَ يَظُنَّ ذلِكَ الإِنْسَانُ أَنَّهُ يَنَالُ شَيْئًا مِنْ عِنْدِ الرَّبِّ." (يع 1: 7,6)😉
في النهاية ربنا وعد اللي بيصبر ويرضي بالتجربة بإكليل الحياة "طُوبَى لِلرَّجُلِ الَّذِي يَحْتَمِلُ التَّجْرِبَةَ
، لأَنَّهُ إِذَا تَزَكَّى يَنَالُ «إِكْلِيلَ الْحَيَاةِ» الَّذِي وَعَدَ بِهِ الرَّبُّ لِلَّذِينَ يُحِبُّونَهُ." (يع 1: 12) 😇

~النوع التاني بقي عكس اللي فات تماما ودا اللي احنا بنبقي مسئولين عنه لما ننجذب لشهواتنا ونمشي وراها واللي اكيد ماينفعش ننسبها لربنا أبدا ✋🏻
"لاَ يَقُلْ أَحَدٌ إِذَا جُرِّبَ: «إِنِّي أُجَرَّبُ مِنْ قِبَلِ اللهِ»
، لأَنَّ اللهَ غَيْرُ مُجَرَّبٍ بِالشُّرُورِ، وَهُوَ لاَ يُجَرِّبُ أَحَدًا." (يع 1: 13)✋🏻
المشاكل والضيقات اللي بتقع فيها نتيجة البعد عن ربنا دي انت المسئول عنها
لانه بعيد عن ربنا مفيش حياة 😐
والنوع دا اكيد نهايته هلاك لان الخطية ورا خطية تولد تعود وموت
"ثُمَّ الشَّهْوَةُ إِذَا حَبِلَتْ تَلِدُ خَطِيَّةً، وَالْخَطِيَّةُ إِذَا كَمَلَتْ تُنْتِجُ مَوْتًا." (يع 1: 15) 😶
ماتلومش ربنا ع حاجة انت المسئول عنها لان ربنا ما بيبعتش الا الخير وموجود
وسامعك وحاسس بيك ومستنيك🥰
"كُلُّ عَطِيَّةٍ صَالِحَةٍ وَكُلُّ مَوْهِبَةٍ تَامَّةٍ هِيَ مِنْ فَوْقُ، نَازِلَةٌ مِنْ عِنْدِ أَبِي الأَنْوَارِ،
الَّذِي لَيْسَ عِنْدَهُ تَغْيِيرٌ وَلاَ ظِلُّ دَوَرَانٍ." (يع 1: 17)♥️