منتدى الفرح المسيحى - تراب الكنيسه أثمن من ذهب العالم

https://upload.chjoy.com/uploads/157959011008991.jpg

فيه 2 دخلوا الكنيسه بس مش مع بعض ... أول واحد كان خادم واعظ
أول ما دخل صلي وطلع منديل ورق ونظف مكانه وقعد علشان بيحضر عظه هايقولها في الإجتماع

تاني واحد دخل الكنيسه دا كان واحد من الشعب (مخدوم) سنه كبير وعجوز وضهره منحني

أول ما دخل صلي وبعد ما خلص جه يمشي بس فجأه لقي أماكن جلوس الشعب (الدكك أو الكراسي) عليها تراب

أخد قماشه بسرعه وإبتدي ينضف كل الكراسي والدكك علشان اللي يقعد ما يجيش في هدومه تراب

وفجاة الخادم بيرفع عينه لقي الراجل العجوز دا ماسك القماشه وبينضف كل الكراسي رغم ان ضهره منحني من كبر سنه
فبيقوله عنك يا عمي .. الفراش نازل حالا ينضفهم
راح رد العجوز وقال ..
مساء النور يا إستاذ .. إسمحلي آخد بركة تراب الكنيسه أنا .. لأني سمعتك من ٣ سنين وانت بتدينا عظه في الإجتماع كنت بتقولنا (تراب الكنيسه أثمن من ذهب العالم)
ومن وقتها وأنا كل يوم بدخل أصلي وبعد كدا أساعد الفراش في نضافة الكنيسه وباخد بركة التراب دا اللي مكانته أفضل من ذهب العالم

تخيلوا ذهول الخادم كان وقتها إزاي .. ومين اللي وعظ مين فيهم .. وقدام ربنا مين اللي قدم خدمه أفضل ؟

لا تعظ الأخرين بل كن انت نفسك عظة