منتدى الفرح المسيحى

https://upload.chjoy.com/uploads/157941437230711.jpg

اتربينا لدرجة أن احنا مش عارفين نعيش ..

ما اتعلمناش اللف و لا الدوران و لا الملاوعة..
اتعلمنا الكلمة الواحدة و الصدق و الأمانة..

اتعلمنا نراعي ربنا قبل اي حد ،
ما نعرفش نقول كلمة و نعمل عكسها ..
من كتر ما اتربينا بقينا نصدق كل حاجة ،
و ما بنشوفش اي حاجة وحشة في حد ..
اي حد ممكن بكلمتين حلوين ممكن نصدقه
، و بعدين نكتشف حقيقته المرة ..
يا ما اتخدعنا لاننا شايفين كل الناس نقية ..
عمرنا ما صدقنا أن فيه كداب و نصاب
.. بنعامل الكل علي نياتنا البيضا..

من كتر ما عشنا الأخلاق ما بنصدقش أن فيه ناس ما عندهاش ريحة الأخلاق..
و علشان كده يا ما اتصدمنا ..

ما بقناش عارفين نعيش وسط الناس ..
عاوزين ملايكة نعيش معاهم ..

بس برضه موافقين ..
موافقين لاننا مش ح نعرف نغش و نلف و ندور
و نشتم و نخاصم و نهاجم و نقاضي و نخانق و نتخانق ..
مش ح نعرف نكون غير كده ، نحب و نسامح و نقدم الخير للكل ..

اللي مطمنا قوي أن لينا رب و أب مضلل علينا
، بيلاقيلنا حل و مخرج في كل مزنق ،
بيواجه عنا اللي مضايقنا، و يعوضنا عن اللي خسرناه بسبب حسن نوايانا ..

و ربنا اللي علمنا هو اللي يحامي عنا ..