منتدى الفرح المسيحى - استمتع باللي عندك

https://upload.chjoy.com/uploads/15791966779591.jpg

فيه حاجات بتحصل لينا من غير رغبتنا ..

ممكن بسبب تسرعنا او اندفاعنا أو جهلنا أو قلة خبرتنا أو سوء اختيارنا ..

و ممكن بسبب حقد و غيظ اللي بيغيروا من نجاحنا أو بسبب طبعهم الاسود..

و ممكن لو دورت ما تلاقيش اي سبب : اجتهدت و حاولت و جاءت الرياح بما لا تشتهي السفن !!

الحل؟؟

حاول علي قد ما تقدر تصلح ، تعدل ، تناور و تحاور..

بس لو كل ده ما نفعش (و كتير فعلا ما بينفعش ) ، استمتع باللي عندك .

. افرح باللي بين ايديك ، و اهدي و اطمن ..

انت عملت اللي عليك، و ربنا يفرحك و يكرمك و يريح قلبك و ترضي و تتبسط باللي حصل..

و ما دام حصل ، خطأ أو جهل أو صدفة ، و مالوش حل مهما حاولت

، اطلب من صاحب الأمر يخليه في عينيك حلو ، و ح يبقي فعلا حلو..

ربنا كتير ما بيغيرش الظروف ، لكن بيغير عينيك اللي شايفة الظروف ..

صح ؟؟