منتدى الفرح المسيحى - يوسف النجار الخاضع المتواضع

https://upload.chjoy.com/uploads/157835131108471.jpg

لما تبص على يوسف ودوره في قصة الميلاد
بتكتشف تواضع ومساعدة وقبول برضا عجيب جدًا..
قبول بيعكس ثقة في الله كبيرة
ثقة برغم ان الصورة كلها ماكنتش واضحة
كان ممكن ينسحب ومايكملش من أول ما عرف ان العذراء هاتكون أم
لكن هو كمل وكله ثقة في الله وفي تدابيره
وساعد بدون ما يكون ليه مصلحة شخصية جوة القصة
ماكنش بيطلب ضمانات في كل مرة الملاك بيأمره
أخضع ذاته لله بدون شكوك
يوسف كان صاحب رسالة تضحية وطاعة وصلاح وإيمان واتضاع
وكل دا كان في صمت وقلب حقيقي طالب الله..
ساعدنا يارب اننا نقدر نساعد اللي حوالينا
ونضحي لأجلهم حتى لو دا مش هيخدمنا احنا شخصيًا،
ونطيعك ونكون خاضعين بالكامل ليك زي يوسف..
شخصيات_الميلاد