منتدى الفرح المسيحى - أنت بطل القصة الشرير

https://upload.chjoy.com/uploads/157804434311361.jpg

الظابط اللي قتل راجل مجرم خطير في مطاردات ،
اكيد مرات الراجل المجرم ده شايفه الظابط انسان شرير عشان حرمها من زوجها ..

الطالب اللي بيرفض يغشش زميله ،
اكيد زميله شايفه انسان رخم و وحش عشان سبب ان هو ميكتبش حاجة في ورقة الاجابة و يسقط في الامتحان ..

الموظفة اللي مصممه تمشي الناس بالدور و مش راضية تسمع منك انك مستعجل و لازم تخلص الورقة ديه بسرعة ،
أكيد انت شايفها انسانة باردة و معندهاش دم ..

فيه جملة بتقول WE ARE ALL BAD IN SOMEONE'S STORY ..
كلنا ناس مش كويسة في قصة شخص ما ... و اللي للأسف ديه حقيقة مفهاش جدال ،
غصب عنك انت شخص مكروه او علي الاقل شخص سمج بالنسبة لشخص واحد ع الاقل في حياتك ..
فمش من الذكاء انك تتوتر او تـ Overthink كتير حوالين شكلك بالنسبة لللي حواليك
او تعطل حياتك انك تفضل تدافع عن نفسك كل يوم بليل علي السرير إنك مش BAD IN SOMEONE'S STORY !! ..
إنما تعايش مع نظرات او اراء الناس فيك مادام انت بتعمل اللي مقتنع بيه و مؤمن انه صح ..

فمش من الطبيعي ان الانسان يتسحل في دوامه انه لازم يبقي كل الناس حباه او راضية عن وجوده في حياتها ،
مش طبيعي اصلا ان ده يتحقق ! ..
فحتي لو الانسان نفسه ساندوتش شاورما فيه واحدة عامله بتتخن كل ما تاكله و تتضايق فبالنسبة لها ساندوتش الشاورما ده BAD IN HER STORY !! ..
فاكيد مش حتكون اكتر خير و تفضل علي البشرية من ساندوتش شاورما ..!