منتدى الفرح المسيحى - كل نقلة يلزم لها معركة

https://upload.chjoy.com/uploads/157778507882751.jpg

• ابراهيم علشان ياخد اسحق خاض معركة فيها كلم الله كل يوم .
• يعقوب علشان تتبارك حياته خاض معركة فيها صارع الله
من الفجر حتي الصباح .
• موسي علشان يشق البحر خاض معركة
فيها قعد ٤٠ سنة الله يشكل فيه وهو يصرخ لله .
• شعب بني اسرائيل علشان يسقطوا اسوار اريحا
خاضوا معركة فيها فضلوا يحاربوا بالتسبيح والابواق ٧ مرات .

كل نقلة في حياتنا سواء نقلة عملية
(شغل ، مشروع ، ترقية، ارتباط )
او نقلة روحية (شفاء ، تحرر ، خدمة ، ثمار )
لازم لها معركة قوية نخوضها ..
معركة فيها بنشتغل علي الصلاة
وفي الصلاة بناخد تكليف نشتغل بيه علي نفسنا
ناحية خطوات عملية نبني بيها أساسات جوة حياتنا .

مش كل تأخير استجابة وراه توقيت الله ..
أحيانا بيكون وراه معركة
احنا مش عايزين نخوضها في مخدعنا وفي حياتنا .