زوّادة اليوم: الطّمع

بيخبرو عن ولد سأل امو شو يعني طمع؟ حتى تفسرلو قالتلو روح عالجنينة حد البيت و بلِّش مَشي من اولها لآخرها و اقطفلي احلى وردة بتلاقيها عا شرط ممنوع الوردة اللي مرقت عنها ترجعلها. راح هالصبي و بلش بالدّور يتفرج عالوردات لاقى وردة مخملية حلوة كتير و حبَّها كتير بس ما قطفها قال بركي قدام في احلى بعد. ضل يقول هيك حتى وصل عا آخر الجنينة مش قاطف شي و ممنوع يرجع لَوَرا! رجع عند امو ايديه فاضيين! قالتلو انو اللي صار معو هوي الطمع لأنو ما قِبِل بالقليل او بشي حلو شافو، دايمًا كان بدو بعد اكتر! الزوّادة اليوم بتقلَّك بين الطموح و الطمع خيط رفيع....انتبهلو و الله معكن