منتدى الفرح المسيحى - رجعني لحضنك ف الأول والآخر ابنك

https://upload.chjoy.com/uploads/157731063092581.jpg

انا توما وشاكك ف وعودك
انا بطرس ناكرك ف حياتي
ويهوذا بخونك وببيعك
الحقني وحققلي الأتي :
خليني اشوف .. مش بس اسمع
صحيلي الديك اللي ف قلبي
وابعد عني كيس الفضه
وباركلي خُطايا اللي ف دربي
انا ضال وراجعلك قويني
من يأسي واحباطي اشفيني
عطشان لحنانك ارويني
وخليك صابر حبه عليا
اقرصني بإيدك من ودني
حررني م اللي مقيدني
بشويش علمني وارشدني
وشيل الطين من جوه عينيا
وبلاش تزهق .. استحملني
م الآخر .. رجعني لحضنك
مانا مهما عصيتك وعاندتك
ف الأول والآخر ابنك ❤