زوّادة اليوم: ميلادك يا ربّي غيّر وج الكون

بيخبرو عن استاذ تعليم ديني عم يخبّر الولاد قصّة الميلاد المجيد و يشرح لتلاميذو كيف يسوع ولد بالشتي و البرد و ما كان في محل كرمال هيك ولد بمذود بمغارة فقيرة و قلّن انّو المغزى من هالشي انّو يسوع عاش كل شي معقول انسان يعيشو من برد و فقر و كيف المغارة بتعني التواضع... لاحَظ الإستاذ طفل شارد سألو شو شاغلّو بالو جاوب: ليش يسوع بدَل ما يشارك الفقراء معاناتن ما خلّصن منها!؟... قلّو الإستاذ: ما تحرق المراحل واصلين بعدين عا درس الخلاص، اللي خلّصنا منّو يسوع اهمّ بكتير من فقر المال و من برد الجسد....خلّصنا من موت الروح! كل ما دقّتنا شوكة منقلّو وينك ليش ما عملت شي، ليش قبلت يصير فينا هيك و مننسى انّو مشروع الله لحياتنا اكبر بكتير من خسارة زغيرة موقّتة... ميلادك يا ربّي غيّر وج الكون ...الله معكن