منتدى الفرح المسيحى - اختار اللي تقوله

https://upload.chjoy.com/uploads/157537328554581.jpg

اب يشوف ابنه مش بيذاكر يقعد يزعق
و يتخانق و يدي مواعظ في الالتزام ..
أب تاني يقوله انا عارف انك المذاكرة تقيلة
و انت عاوز شوية راحة،
و انا عارف انك احسن واحد ينظم وقته و ملتزم بامانته..
مين فيهم ح يذاكر احسن؟؟

اب يقول لابنه لأ يعني لأ .
. و أب تاني يقوله تعال نفكر، و نشوف ايه الأنسب لك
و اللي يرضي ربنا ، و نفكر تاني مع بعض..
مين اللي يقتنع اسهل و يسمع و يتجاوب اكتر ؟؟

زوجة لما تشوف زوجها مشغول بالموبايل تقعد تهينه
و توصفه بالإهمال و التفاهة
.. و زوجة تانية تقوله انا عارفة ضغوط الشغل اللي انت فيها ، خلص الموبايل و انا مستنياك نشرب شاي مع بعض و ندردش شوية و ربنا ما يحرمني من قعدتك ..
تفتكر مين فيهم اللي يكسب قلبه ؟؟

فيه زوج لما مراته تزعله يهاجم و ينقد و يجيب القديم و الجديد .
. و فيه راجل يسمعها بالراحة و يصاحبها و يقدرها،
و لما الجو يهدي يبقي يعاتبها بالراحة ..
مين فيهم اللي يبقي الكبير في نظر شريك حياته ؟؟

اختار اللي بتقوله ، ح يفرق كتير قوي في راحتك و سلامك و سلام غيرك ..