منتدى الفرح المسيحى - هي العين بتفلق الحجر

https://upload.chjoy.com/uploads/157340187590651.jpg

سمعت عن "العين تفلق الحجر" ، يعني حاجة عندك تتحسد و تتنظر..

يعني مثلا توري الناس حاجة حلوة عندك، تلاقيها تاني يوم اتملت مشاكل
و ما بقتش عارف تتهني بيها .. او تتكلم حلو مثلا عن سعادتك في جوازتك
، تلاقي تاني يوم خناقات بتحصل لأول مرة مع شريك حياتك..

اوعي تصدق في كده لا تتعب ..

لكن افتكر كام نقطة ..

١- ربنا هو الحامي من اي حسد

٢-الحاسد الأول هو الشرير

٣-كلمة حسد جت في كلمة الله ٣٠ مرة..

مثال :
الفلسطينيون حسدوا إسحق علي كثرة مواشيه و عبيده (تكوين ٢٦)
اخوة يوسف حسدوه علي أحلامه(تكوين ٣٧) ..
الشعب حسدوا موسي و هارون علي كهنوتهم (مزمور ١٠٦) ..

٤-احرص ألا تفتخر بما عندك قدام الناس و لا تتكلم عن انجازاتك قدام حد ،
انت كده بتثير غيرتهم و حسدهم ..

٥-اقتل الحسد : أن اول ما حد يتكلم عنك حلو ، اوعي تقعد تسمعه
و انت منتشي و فاتح فمك من السعادة (!!) .. علي طول انسب نجاحك لربنا ،
و قول ايتين فيهم شكر ؛ أو اتكلم عن نجاح اللي بيمدحك ،
علشان يحل عنك من ناحية (!!)
و لأن غالبا هو بيعمل الحبتين دول علشان يجرجرك انك تقول في حقه كلمتين
، فقولهم له و اشبع وعائه الفاضي و المحتاج لشوية مجاملة..

العين ما بتفلقش الحجر، لو اتحاميت في ربنا اللي يبطل عنك حسد ابليس واولاده ..