منتدى الفرح المسيحى

https://upload.chjoy.com/uploads/157245801542291.jpg

غني لاني باديك و انت ما بتديش لي حاجة ..
غني لاني باحبك و مش مستني منك حاجة ..

غني لان مستغني عن اللي عندك و لا متعشم منك حاجة ..

غني لاني قررت ما اطلبش من حد بمحايلة أو قلة قيمة
، و لا اقف علي باب حد استناه يمن علي ..
اطلبها بعزة نفس ، جت جت
، ما جتش لا ح استني و لا ح اتمني، البدايل كتير و خير ربنا اكتر ..

غني لاني باحب الناس قوي و اديهم اللي عندي
و من غير ما يطلبوا، و عمري ما بصيت علي عدد أصحابي
و لا عدد اللي بيحبوني ،
كفاية علي احبهم من قلبي قوي وده مراضيني..

و غني لاني ما بازعلش من حد و لا اشيل زعله جوايا

غني لاني راضي قوي باللي بيجي لي ،
كتير بافرح و اتهني ، و لو قليل بابوس ايدي وش و ضهر
، لاني متاكد ان اللي بيرزقني هو صاحب الارزاق الاعلي و هو ادري بمصلحتي ، و يمكن منع عني شر كنت شايفه خير..

ما كنتش أعرف أني غني كده إلا لما رضيت و ارتضيت..