منتدى الفرح المسيحى - خادم من غير إعداد خدام

https://upload.chjoy.com/uploads/157233271369541.jpg

بيحس بالناس و بالامهم، و يرطب خاطرهم
بكلمة و سؤال و عمل محبة ..

بيهتم باللي حواليه و يساعدهم و يسعدهم علي قد ايديه..

يساعد محتاج و يديله و يكرمه علي قد ما ربنا كرمه ..

مش عاوز يشوف حد متضايق، فيقعد معاه
لغاية ما يشوفه مبسوط و الضحكة علي وشه..

ما يخلصوش يشوف ناس متخاصمة ،
فيصالح بينهم و يبقي رسول سلام ..

لسانه ابيض، بيتكلم علي الناس حلو و يلتمس للكل العذر
و يجيب سيرة الكل بالخير مهما كان عارف عنهم..

سلوكه نقي و عفيف و امين و بيعمل عمله بأمانة و علي اكمل وجه..

بيراعي شريك حياته و يعامله بالود و الرحمة
، و يعامل أولاده بالرفق و الحب و يقدم لبيته كل العناية المطلوبة ..

عنده اخلاق رفيعة ، سلوكه قدام الناس حلو
و بيقدم احلي صورة عن الدين بتصرفاته قبل كلامه ..

عاوزين ايه بعد كده ؟؟ مش دول احسن قدام الله
و الناس من اي وعظة ؟؟