منتدى الفرح المسيحى - يا اما بلاش !

بلاش أحسن ..
تقول انك بتعشقني
هقولك حاجه .. صدقني
لو انت ف يوم هتنساني
وأصلآ حبي مش فارق
ياريت دلوقتي نتفارق
عشان مش عايزه اتعلق
بحب مسيره هيسيبني
وقلب ف لحظه يكسرني
و فجأه غيابه يتعبني
اساسآ يعني مش ناقصه
ومش عايزه الحياه ديا
ومش هقبل اعيش وياك
مشاعر حب وقتيه
تفرحني يومين لكن ..
اوام اضعف اوي واحزن
بلاش أحسن ..
وايه يغصبني اعيش خايفه
والاقي ف وهم عمري يفوت
واحبك وانت مش ليا
ولما تغيب ساعتها اموت
انا مش لعبه ف ايدين حد
وعلي نفسي مبقبلهاش
ما بيننا هحط مليون حد
عشان مشاعرنا متخوناش
يا اما احب حب بجد ..
يا اما بلاش !

''مينا مجدي''