منتدى الفرح المسيحى - ازاي تحرق كنيسة

https://upload.chjoy.com/uploads/157150699793341.jpg

ازاي تحرق كنيسة

تتحرق لما تتعثر و ثقتك في ربنا تقل ،
و تشك في محبته و حمايته ..

لما تسأل ليه سبتها تتحرق و كان في ايدك تعمل معجزة
و تمنع النار عنها ، زي ما مرثا مرة قالت للسيد المسيح
"لو كنت ههنا لم يمت اخي" (يوحنا ١١) ..

لما قلبك انت اللي يتحرق بالحزن و الخوف و العثرة،
فتقول "صاحب الكنبسة" اضعف من أنه يقف معاها،
و تشك فيه و في قوته..

لما تبطل تشكر الله علي كل اللي بيسمح بيه
، و تشك أن كله للخير، و تنسي الآية اللي بتقول
"االخير نقبل من عند الله و الشر لا نقبل" (ايوب ١) ..

لما تعيش مستكين و مشتضعف و ما تطالبش بحقك
حتي لو ما خدتوش، و تنسي أية "لماذا تلطمني" ..

تتحرق لما تبطل تصلي لله انه يرفع الشر من العالم،
و في نفس الوقت قلبك يتملي كراهية
و تبطل تصلي للي حرقوها و تنسي أية "اغفر لهم لأنهم لا يعلمون ماذا يفعلون" (لوقا ٢٣)

لما تبطل تروح الكنيسة و تخاف من اللي بيحصل و إيمانك يضعف..

عمر الكنيسة ما بتتحرق
، ده بس المبني اللي ممكن يتحرق،
لكن قلوبنا العمرانة بالنعمة عمرها ما تتحرق ،
دي تعلي و تكبر بالخير و الإيمان و الصلاة و الحب ..