منتدى الفرح المسيحى

بتضحك عشان..
متبانش ف عينيها الدموع
بتسكت كتير ..
وسكوتها مليان بالكلام
وتملي بتخبي زعلها ..
لو ألف واحد يسألها
بتقوله عادي وماشيه عايشه اهو وتمام
وكل يوم بالليل تنام ..
واخده المخده ف حضنها
وبتفتكر كل اللي راح
كل اللي قرب منها
وسابها فجأه لذكريات
مبتتنسيش ومتنتهيش
وتبل بدموعها المخده
ساعتها غصبآ عنها
مبقتش عايزه تحب حد ..
خلاص بجد
تعبت كده
ف هروبها احساس بالأمان
ف سكوتها احساس بالرضا
ع الجرح والوحده بقت ..
طول عمرها متعوده
والوحده أحسن من حياه
مع ناس مسيرها تغيب ف يوم
علي ايه هتوجع قلبها
ماهو اصله مش ناقص هموم
ولا حد يعرف فيها ايه
والجرح قافله ببان عليه
وواجعها جدآ كل يوم
ولا عمرها ف مره اشتكت
مين اللي يسمع لو حكت
فتهحكي ليه .. ملهوش لزوم !