منتدى الفرح المسيحى - مكنتش فاهماك😥

عارف يارب..في الأول مكنتش فاهماك..حقيقي وبجد كنت ظلماك..كنت فاكره تشكيلك صعب😥..وبقول إيه أخره الدرب😥..وكنت بستغرب من الناس الكتير اللي بتبيع..كأن العالم كله اتفق انه حقي لازم يضيع..😥 بس اقولك يارب علي سر خطير..😱 ما يوسف رماه 11 واحد في البير..😥 ورغم كله ده خليته وزير.👑👑..يعني أنا مش هخاف من العدد مهما كان كبييير..😱 عشان لي إله عظيم وقدير..🙏🙏بس إنت يارب اللي بتشكلني..وايدك بتسندني..😥 يمكن سمحت بكل ده عشان تكسر في الكبرياء..ويمكن عشان منساش فضلك علي العمر كله..🙏 ما هو انا هكون بنتك الحسناء..💖..هبقي ورده مفتحه بعد ماكنت صحراء جرداء..😥..وبصراحه منكرش يارب انه وقت الضيق بتنقذني..💖ومن عثرات القلب دايما بتنتشلني..🙏💖..صحيح بتشكلني..لكن ابدا مش سايبني..💖🙏 بحبك قوووي يارب..وكلمتك هي الكلمه الأخيره..وللخير دايما بتمهدني..💖🙏👑