منتدى الفرح المسيحى

https://upload.chjoy.com/uploads/15709772356771.jpg

كلمة ضحك جت في كلمة الله ٣٧ مرة ..
و ليها معاني مختلفة : الدهشة و التعجب و النصرة علي العدو و الفرح الشديد ..

اعجب اية "عندما رد الرب سبي صهيون .. امتلأت أفواهنا ضحكا (مزمور ١٢٦) "
و دي اللي بيقولها الاب الكاهن بعد التناول في آخر القداس ..

الضحك فضيلة .. ما اقصدش طبعا التنمر أو القباحة
(أكيد.. لحسن حد من حبايبنا يصطاد الكلام علينا!!) ..

معناه الوجه الصبوح و الضحكة الجميلة و البشاشة و تحويل المشكلة لابتسامة..

معناه تحويل الخلافات بالضحكة البسيطة لمصالحة..

الضحك دوا علي أطراف فمك، تحرك بيهم بس ١٤ عضلة ، بدل من ٧٤ واحدة للكشارة و العبوس..

الضحك دوا للجسم كله ، شفا للعقل و النفس و سمو للروح..

الحزن حرفيا بيكسر القلب و يمرضه ، و اسم المرض
"متلازمة تاكوتسوبو" Takotsubo disease ،
فيه عضلات القلب بتنهار و تتمزق و يحدث احتشاء(هبوط في القلب) ،

و ممكن توصل للموت (بعد الشر) ..

علي العكس " القلب الفرحان يطيب الجسم" (امثال ١٧)
و "القلب الفرحان يجعل الوجه طلقا" (امثال ١٥) ..

الضحك يحل المشاكل و يقرب المسافات و بهون الضيقات.
. الضحك سر سلام البيت و انتشار الخدمة .. الضحك عمل الأطفال الأول،
و سر نمو صحتهم و بناء شخصيتهم..

اللي بيضحك ملايكته بتتهلل معاه ز تشاركه فرحته ؛
الملايكة دي لما رنمت قالت "علي الارض السلام و بالناس المسرة" (لوقا ٢) ..

لو ما بتعرفش تبتسم تضحك و تفرح نصيحتي اوعي تشتغل في العمل العام
و لا تقابل ناس و لا تعمل بالتجارة و لا تخدم و لا حتي تتجوز ..

و لو عاوز تضحك ، مد ايدك فوق للسما ح تلاقيها مليانة فرح
، بصوت عصافيرها و بلابلها، بأشعة الشمس الدهبية ،
بنسمات الهوا الطايرة، بملايكتها اللي مرفرفة حواليك و بتحمي كل خطواتك