منتدى الفرح المسيحى - رسالة إلى أب

https://upload.chjoy.com/uploads/157066424428731.jpg

ربنا سلمك ملاك جميل ، معاك جناحاته تكبر
و نوره يفيض و فرحته تزيد ..

اوعي نفسيته تتجرح علي ايديك
، و جناحاته تتقصقص قدام عينيك..

علي قد ما تقدر خلليه يحب ربنا فيك ، و يتمني يكون زيك ..

اوعي تهينه او تكسر نفسه ؛ و أوعي تهين شريك حياتك
لا قدامه و لا من وراه..

قدم له جمال المعاملة و حكمة الكلام و حلاوة التشجيع..
كبره و علمه عزة النفس
، احترمه ح يحترمك و يحترم الناس و قبل الكل ح يحترم ربنا..

حتي تأديبك ليه خلليه بطعم الحب قبل الحزم..

ابنك مسؤليتك ، يا ح يكون ضحيتك يا ح يبقي اكليلك ..