منتدى الفرح المسيحى - الكنيسة شبكة مطروحة في البحر

https://upload.chjoy.com/uploads/157035532870071.jpg

أكتر مكان فيه ميكروبات و عدوي هو المستشفى !
و أكتر مكان فيه عثرات و ضعفات ممكن تهز كيانك هي الكنيسة !! :
الكنيسة شبكة مطروحة في البحر
فيها كل أصناف البشر !!
و بيصادف يكون فيها
أبناء عالي الكاهن و الكتبة و الفريسيين و الخطاة و المرائين و التجار و باعة الحمام .. 😭
فيها كل أصناف البشر اللي تتخيلهم و اللي ما تتخيلهمش !
لو داخل عينك ع الناس هتتعب ! 🙄
🙄 لو عينك داخلة تفحص فلان و فلان العثرة هتبهدلك !!
إتعلم تشق طريقك ليسوع وسط الجموع ..
و تلاقي ركنك الخاص في الكنيسة ..
ساعتها هتشوف جمالها ♥️⛪
😍 و عينك هتتعلم تشوف الناس بقلب آخر
بمحبة تتحمل و ترفق .
😍 بعيون حب مش ميزان دينونة !
القديس أرسانيوس كان ركنه الخاص ورا عمود من أعمدة الكنيسة بيفحص ذاته و يقدم توبة 😭
موسي الأسود كان له ركنه آخر الكل يقدم توبة 😭
البابا كيرلس كان ملازم المذبح ، و هناك كان تلاقيه اليومي مع الرب يسوع ⛪
ما قصدش أن يكون لك مكان بالمعني الحرفي.
لكن أقصد يكون لك مكان .. منه عينك تبقي ثابتة علي الرب يسوع علشان خلاص نفسك .