منتدى الفرح المسيحى - نصف أسباب الحزن

https://upload.chjoy.com/uploads/157035288370991.jpg

افتكر كويس "الاوفر سينكنج " over thinking أو التزيد في التفكير يقتل سعادتك
، و هو نصف أسباب حزنك ، لو ما كانش كلها..

انك تفكر و تحلل و تفصص و تقلب في كل فكرة ، و تقعد تقشرها زي "البصل"
، و في الاخر تقعد جنبها تعيط بعد ما بعترت مخك من غير حل !!

عقلك مش ناقص أحمال و لا كراكيب ..

فيه ٤ حاجات :
حاجات لازم تفوتها من تفاهتها و ترميها ورا ضهرك : كلمة، تعليق ، موقف بسيط ..

كمان فيه حاجات تفكر فيها علي قدها ، و تاخد قرار سريع و بعدين ترميها ورا ضهرك
، زي القرارات الصغيرة ، مشوار ، تليفون ، زيارة ..

و فيه حاجات أكبر شوية عاوزة صلاة و مشورة و شوية وقت قبل القرار : خطوبة، سفرية ، شرا حاجة مهمة ..

و فيه حاجات تانية ما لهاش حل وقتي، دي تصلي لها و تعمل اللي في ايديك و ترميها في ايدين ربنا
، و سيبها للزمن يداويها او يتاويها ..

المهم، بعد الصلاة و التفكير سيب لله التدبير ..